أسباب وصول عيار 21 إلى 7100 جنيه
النهاردة شفنا انخفاض ملحوظ جداً في أسعار الذهب في مصر، لحظنا إن عيار 21 سجل النهاردة 7,100 جنيه، طبعاً ده انخفاض يمكن ما شفناهوش بقالنا فترة طويلة، رغم ارتفاع السعر العالمي 4.850 دولار، ورغم ذلك كان فيه انخفاض ملحوظ جداً في الأسعار في مصر ده يرجع لعدة أسباب ومن أهم هذه الأسباب لو اتكلمنا هنتكلم عن الدولار، سعر الدولار شهد انخفاض كبير جداً في البنوك المصرية، الدولار كان في الفترة السابقة دي كان مسجل 53.5 جنيه، وفي الفترة اللي احنا فيها بدأ ينزل تدريجي حتى النهاردة 51.80 جنيه، وده سعر مناسب جداً في الفترة دي، وده قدر إن هو يخلي الفجوة ما بين دولار الصاغة ودولار البنك إنها تقل بشكل ملحوظ، يمكن احنا لو لاحظنا في الموقع (سعر الذهب مباشر) هنلاحظ إن الفجوة النهاردة يمكن أقل يوم ليها من فترة طويلة من ساعة ما أنشأنا الموقع.
طيب ده يرجع لإيه؟
ده يرجع لتحسن في الاقتصاد المصري وتوفر السيولة الأجنبية.
طيب ده توفر إزاي؟
ده توفر نتيجة عدة أسباب، نتيجة لإن في استثمارات جديدة بدأت إنها تظهر، وبدأ الدكتور مدبولي يفتح مجال لناس كتيرة إنها تيجي تستثمر في مصر ومن ضمن أهم هذه الأشياء لو احنا لاحظنا في مجال السيارات وبدأت في شركات كتيرة بالفعل بدأت تدخل السوق المصري للمنافسة.
طيب إيه اللي هنلاحظه الفترة اللي جاية؟
الفترة اللي جاية دي طبعاً احنا مستنيين حاجتين مهمين جداً نشوفهم الفترة اللي جاية، الحرب ما بين أمريكا وإيران، وده طبعاً في الفترة اللي احنا فيها دي لو ما حصلش أي اتفاقيات هنلاحظ تاني ارتفاع لسعر الدولار وأيضاً السعر العالمي.
طيب ده يعود بإيه تاني عالمياً؟
يعود بانخفاض للدولار العالمي، هنلاحظ إن سعر الدولار هيبقى فيه انخفاض كبير جداً قدام العملات الأخرى.
الموضوع هيكون مختلف محلياً
لو حصل تصعيد في أي توترات دولية خاصة بين أمريكا وإيران، الدولار العالمي هيرتفع وهيأثر على أسعارنا هنا تاني. اللي جاي هيبقى معتمد على هدوء التوترات الدولية واستمرار الاستثمارات. لو الدولار فضل مستقر تحت التلاتة وخمسين، هنشوف أسعار دهب أرخص كمان شوية في الفترة الجاية، بصراحة الذهب في مصر لا يستحمل أي حروب أو توترات.
هنا نكون وصلنا لأسباب انخفاض الذهب والدولار في مصر.