اليوم التالي لانخفاض سعر الذهب في مصر
لاحظنا النهاردة الخميس 16-04-2026 انخفاض تاني في أسعار الدهب، حتى لاحظنا عيار 21 سجل 7,040 جنيه ، وعيار 24 سجل 8,050 جنيه. طبعًا الأسعار دي في نزول كبير جدًا، وعيار 18 سجل النهاردة 6,040 جنية . طبعًا إحنا لازم نكون متنبهين لنقطة إن يمكن تقلب الأسعار ده نتيجة بيانات ظهرت النهاردة في امريكا وده كله أثر على الأسعار دي، وكان من أهم الإعلانات وهو مؤشر فلادلفيا الفيدرالي الصناعي ، اللي هو كان الفعلي النهاردة 26.7 ، وهو قفز قفزة قوية جدًا وغير متوقعة.
طيب ده هيأثر على إيه؟
ده هو الأعلى منذ فترة طويلة، وده بيعني إن القطاع الصناعة في أمريكا بينمو بسرعة كبيرة، وده طبعًا بيدعم الدولار بقوة.
وعندنا إعلانات البطالة،
إعلانات البطالة الفعلي انخفض إلى 207 ألف طلب، وكان متوقع إن هو هيبقى 215 الف . طيب ده هيفيد بإيه؟
التحليل بيقول إن انخفاض طلبات البطالة ده هيعني لينا إن السوق الأمريكي قوي جدًا، مما يعطي الفيدرالي الأمريكي الضوء الأخضر للاستمرار في سياسة التشديد ، اللي هو رفع تثبيت الفايدة، وده عدو طبعًا للدهب عشان نبقى إحنا عارفين. طيب النقطة الأهم بقى،
هل الذهب في الفترة اللي جاية دية هيهبط فعلًا؟
رغم كل البيانات السلبية للدهب اللي إحنا ذكرناها في الفترة اللي فاتت دي، بس هنلاحظ نقطة مهمة جدًا إن أي خبر بيطلع في الفترة اللي بيبقى فيها أخبار أو صدور خبر، ده كله بيعود للارتفاع. يعني بعد شوية هنلاحظ ارتفاع. طبعًا في نقطة مهمة جدًا لازم ننوه عليها وهي التوترات الجيوسياسية، مثل الأحداث اللي إحنا بنشوفها في الشرق الأوسط، واتفاقيات السلام وكل الحاجات دي بتأثر على التضخم. طيب السعر الحالي للدهب، زي ما إحنا شايفين سعر الأونصة العالمي بيتداول عند 4.800 دولار للأونصة العالمية. فالبيانات قوية جدًا للدولار وبتجعل المستثمرين كلهم يجنوا أرباحهم. طبعًا كل ناس شايفين ده، وده طبعًا كله هنلاحظ هبوط لحظي.
طيب الخلاصة هنا بنقول
إن كل الحاجات دية هتأثر بعد شوية، وطبعًا زي ما إحنا عارفين إن أي خبر بيطلع بيبقى في الوقت اللي بيطلع فيه ده بنشوف السوق بعده على طول بيطلع بالعكس. يعني إحنا لو فيه هبوط في الوقت الحالي ، ممكن إن شاء الله هيبقى بكرة أو في في الأسبوع القادم هنلاحظ ارتفاعات في سعر الدولار وفي سعر الدهب العالمي. ولازم نخلي بالنا من نقطة مهمة إن الانخفاض أوقات بيكون فرصة جيدة للشراء. لكن قرار الشراء أو البيع ده قرارك أنت وحدك.
اسف اني بتكلم بالعاميه بس علشان كلنا نعرف 😂